Qujat tekserý barysynda oqıǵa ornynan qashpaq bolǵan júrgizýshi kólikke jartylaı minip úlgergen polısııa qyzmetkerin 200 metrdeı súırep ótken. Bul týraly Egemen.kz polisia.kz-ke silteme jasap habarlaıdy.
Oqıǵa 11 aqpan kúni, saǵat 00.35 shamasynda bolǵan. Temirtaý qalalyq polısııa basqarmasy patrýldik polısııa batalonynyń qyzmetkerleri Beıbitshilik dańǵylynyń boıynda qyzmettik kóliktiń arnaıy daýys shyǵarǵysh quraly arqyly jeńil avtokólikti toqtatady. Kóliktiń 31 jastaǵy júrgizýshisi qujattarynyń joqtyǵyn aıtady. Tártip saqshylary odan ishimdiktiń ıisin sezip, kólikten túsýin talap etedi. Sol mezette, júrgizýshi kóliktiń esigin jappaı, oqıǵa ornynan qashpaq bolady. Tártip saqshylarynyń biri kólik salonyna sekirip minedi, biraq bir aıaǵy syrtta qalyp qoıady. Júrgizýshi tártip saqshysyn 200 metr súırep, jol jıegine shyǵyp baryp toqtaıdy.
Polısııa qyzmetkerleri júrgizýshini narkologııa ortalyǵyna jetkizip, onyń orta dárejede ishimdik ishken kúıde bolǵany anyqtaldy. Oǵan qatysty QR Ákimshilik quqyq buzýshylyq týraly kodeksiniń 608, 613 jáne 667-baptaryna sáıkes hattamalar toltyryldy. Sottyń sheshimimen 30 táýlikke ákimshilik qamaýǵa alynyp, 7 jylǵa júrgizýshi quqyǵynan aıyryldy.