Almatyda 7,3 mlrd teńge kóleminde bıýdjet shyǵynynyń aldy alyndy. Bul týraly qalalyq Sybaılas jemqorlyqqa qarsy qyzmetinen habarlady, dep jazady Egemen.kz.
«Satyp alýdyń biryńǵaı terezesi» jobasyn júzege asyrý aıasynda mıllıardtaǵan teńge únemdelgeni aıtyldy.
Agenttiktiń Qoǵamdyq keńesiniń alańnan tys birinshi otyrysy barysynda Almaty qalasynyń qoǵam belsendileri Agenttik pen azamattyq sektordyń birlesken jumysynyń nátıjelerimen tanysty.
Baspasóz qyzmetiniń málimetinshe, jer qatynastary salasynda jalpy quny 1,2 mlrd teńge bolatyn 16 gektardan astam jer memleket menshigine qaıtarylǵan.
Bul rette Qoǵamdyq keńes tóraǵasy Marat Báshimov sybaılas jemqorlyqqa qarsy qyzmet pen qoǵam arasyndaǵy syndarly seriktestiktiń mańyzdylyǵyn atap ótti.
Sybaılas jemqorlyqqa qarsy is-qımyl agenttigi tóraǵasynyń birinshi orynbasary Dmıtrıı Malahov sybaılas jemqorlyqpen kúreste azamattyq qoǵamnyń resýrstaryn paıdalaný qajet dep qosty.
2023 jyly departament jumysynyń negizgi baǵyty ekologııa salasyndaǵy problemalyq máselelerdi sheshýge baǵyttalady.