Oljas Sákenov «Bolashaq» Halyqaralyq baǵdarlamalar ortalyǵynyń Basqarma tóraǵasy bolyp taǵaıyndaldy, dep habarlaıdy Egemen.kz Ǵylym jáne joǵary bilim mınıstrliginiń baspasóz qyzmetine silteme jasap.
Oljas Sákenov Sh.Ýálıhanov atyndaǵy Kókshetaý memlekettik ýnıversıtetin bitirgen. «Bolashaq» baǵdarlamasy arqyly Pensılvanııa ýnıversıtetiniń magıstratýrasynda «Halyqaralyq bilim berýdi damytý» mamandyǵy boıynsha bilim alǵan.Ol sondaı-aq Prezıdenttik jastar kadrlyq rezerviniń múshesi.Oljas Sákenovtiń «Qazposhta» AQ, «Samuryq-Qazyna» AQ kompanııalarynda, bilim berý salasyndaǵy uıymdarda jumys tájirıbesi bar. «Densaýlyq saqtaýdy damytý respýblıkalyq ortalyǵy» RMK-nyń ınvestısııalyq jobalar ortalyǵyn basqardy. Buǵan deıin Bolon prosesi jáne akademııalyq utqyrlyq ortalyǵynda jumys istedi. Qazaq, orys jáne aǵylshyn tilderin meńgergen.