Dabyl batyrmasy joq kólikke jol ashyq

EAEO elderiniń aýmaǵyna ákelinetin N jáne M (júk jáne jolaýshy) sanatyndaǵy jeke avto­kólikti shuǵyl jáne jedel qyz­metterdi shaqyrý quryl­ǵy­larymen (SOS batyrmasymen) jaraqtandyrý jónindegi ta­laptar Keden odaǵynyń teh­­nıkalyq reglamentinde aıqyn­­dalǵan. 2024 jylǵy 1 aqpanǵa deıin EAEO elderi­niń osy sa­nattaǵy kólik qural­da­ry­nyń resmı ımporttaýshylary men óndirýshileri osy min­det­te­me­ler­den bosatylǵan bolatyn.

Avtokólik ıeleriniń qondyr­ǵynyń qymbattyǵyna (shyǵa­ryl­ǵan jylyna baılanysty kedendik tazartý qunynyń shamamen  25%-y), mıkroshemalardyń tapshylyǵyna jáne SOS túıme­le­rin daıyndaýǵa arnalǵan jıyn­­tyqtaýyshtardyń bol­maýy­na qatysty ótinishteri na­zar­ǵa alynyp, qazaqstandyq tarap mindetti jaraqtandyrý merzimin bir jylǵa uzartý máse­le­sin kótergen. EEK Keńe­si­niń músheleri bul usynysty bir­aýyz­dan qoldady. Endi EAEO el­deriniń aýmaǵyna óz qajet­ti­likteri úshin ákelinetin M jáne N sanattaǵy kólik quraldary 2024 jylǵy 1 aqpanǵa deıin shuǵyl jáne jedel qyzmetterdi shaqyrý júıelerimen mindetti jaraqtandyrý talabynan bosatylady. Iаǵnı Qazaqstanda SOS ba­tyrmasy joq kólikti 2024 jylǵy 1 aqpanǵa deıin tirkeı berý­ge bolady.

«Sonymen qatar ózdiginen júretin mashınalar men basqa da tehnıkanyń qaǵaz pasporttaryn elektrondyq túrine aýystyrý úshin taǵy bir uzartý jasaldy. EEK Keńesiniń 2023 jylǵy 25 qań­tardaǵy tapsyrmasy bo­ıyn­sha I jartyjyldyqta elek­trondyq pasporttar júıe­le­riniń jańa arhıtektýrasyn jáne EAEO-ǵa múshe memleketter júıeleri arasyndaǵy aq­parattyq ózara is-qımyl algo­rıt­min ázirleý qajet. Al 2022 jyly belgilengen ótpeli kezeń merzimi 2023 jylǵy 1 sáýirde aıaqtalady. Osylaısha, buryn qabyldanǵan sheshimder EAEO aýmaǵynda ózdiginen júretin jáne basqa da tehnıkanyń aınalys erkindigine áser etpeýi úshin EEK Keńesi 2023 jylǵy 30 maýsymǵa deıin elektrondyq pasporttardy resimdeý boıyn­sha ótpeli kezeńniń aıaqtalý mer­zi­min aýystyrý týraly sheshim qabyldady», delingen Úkimet saıtyndaǵy habarlamada.

Memleket alǵash ret jeke tulǵalarǵa ózi paıdalaný úshin SOS batyrmasy joq mashına ákelýge 2022 jyly ruqsat etken bolatyn. Onyń merzimin 2023 jylǵy 1 aqpanǵa deıin dep belgiledi. Alaıda jeńildik endi taǵy uzaryp otyr. О́ndirýshiler men dıllerlerge mundaı ruqsat odan buryn berildi.

Dabyl batyrmasy shuǵyl jaǵ­daılarda qajet bolady. Ope­rator spýtnık júıesiniń kó­me­gimen avtokóliktiń orna­las­qan jeri týraly, sondaı-aq onyń markasy, modeli, biregeı nómiri, otyn túri, klasy týraly aqparat alady. Munyń bári shuǵyl qyzmet ókilderiniń oqıǵa ornyna jedel jetýi úshin kerek.