Astana qalasynda Jalpyulttyq sosıal-demokratııalyq partııasy atynan Parlament Májilisiniń depýtattyǵyna partııalyq tizimi boıynsha kandıdattar Ashat Raqymjanov jáne Nurlan Áýesbaev saılaýshylarmen «Qazaqstandaǵy ómir sapasynyń standarttary qandaı bolýy kerek?» taqyrybynda dóńgelek ústel otyrysyn ótkizdi.
– El halqynyń ómir sapasyn jaqsartý – memlekettiń basym baǵyttarynyń biri. Álem boıynsha statıstıkalyq derekterge qaraǵanda jaǵdaıymyz máz emes. О́mir sapasyn arttyrýǵa birneshe faktor áser etedi. Jumyssyzdyq máselesimen qatar, jemqorlyqqa qatysty máselelerdi túbegeıli sheshpeıinshe, memlekettik basqarý júıesin qalypty júzege asyrý múmkin emes. Jemqorlyqpen kúresti kúsheıtý kerek, paraqorlarǵa qatysty maksımaldy jaza ornatyp, merziminen buryn bosatý quqyǵynan aıyrý qajet. Bizdiń memleketimiz, basqa da kóptegen el sııaqty sybaılas jemqorlyqtyń aldyn alý jáne ony boldyrmaý maqsatynda qarqyndy jumys júrgizip jatyr. Jemqorlyqty jeńip, memlekettiń basqarý júıesin aýystyrý arqyly eldiń ekonomıkalyq gúldeýine qol jetkizýge bolady, – dedi Nurlan Áýesbaev.
Osylaısha, partııa músheleri ómir súrý sapasynyń standarttaryn ázirleý jáne engizý máselesin Parlamentte bastamashylyq jasaýǵa nıetti. Kezdesýde kandıdattar saılaýshylardy partııanyń saılaýaldy baǵdarlamasymen tanystyrdy. Baǵdarlamada bilim berý salasynyń damýyna erekshe kóńil bólingeni aıtyldy. Medısına jáne bilim berý salalaryna JIО́-den jylyna eń kemi 5-7%-dy bólý usynylǵan. Jalpyulttyq sosıal-demokratııalyq partııa ókilderi mundaı is-shara dárigerler men muǵalimder eńbekaqysynyń bank qyzmetkerleri deńgeıine deıin kóterýge múmkindik beretindigin aıtty. «Munyń mańyzy zor, sebebi atalmysh mamandar adamı kapıtaldyń sapasyna jaýap beredi, al bul óz kezeginde otandyq ekonomıkany damytý úshin negizgi talap bolyp sanalady», dedi Nurlan Áýesbaev.
Ic-shara barysynda áleýmettik máseleler kóterildi. Atap aıtsaq, azyq-túlik ınflıasııasy, kommýnaldyq tarıfterdiń quny, áleýmettik kepildikter jáne memlekettik qoldaý máseleleri qozǵaldy.
Kandıdattar saılaýshylardyń saýalyna jaýap berip, shama-sharqynsha túıtkilderdiń túıinin tarqatýǵa tyrysatyndaryn jetkizdi.