Elordada 26 aqpan kúni konkýrdan «Arǵymaq» ashyq kýbogy ótedi, dep habarlaıdy Egemen.kz Astana ákimdiginiń baspasóz qyzmetine silteme jasap.
Jarysqa Qaraǵandy, Almaty, Shymkent jáne Astana qalalarynan kelgen shabandozdar qatysady dep josparlanyp otyr.
Jarys bes baǵyt boıynsha ótedi.
Birinshi sanat – «Balalar sanaty». Kedergilerdiń bıiktigi 110 sm-ge deıin. Ekinshi sanat – «Dónender jarysy». Kedergilerdiń bıiktigi 100 sm-ge deıin. Úshinshi sanat – «Besti attar». Kedergilerdiń bıiktigi 120 sm-ge deıin. Tórtinshi sanat – «6 jastan joǵary». Kedergilerdiń bıiktigi 125 sm-ge deıin. Besinshi sanat – «Erkin sanaty». Kedergilerdiń bıiktigi 130 sm.Jarystyń jalpy júlde qory - 12 000 000 teńge.
Is-shara Astana qalasy ákimdiginiń qoldaýymen «Arǵymaq» at-sporttyq saýyqtyrý kesheni (Qarqaraly tas joly, 1) meken jaıynda ótedi.