Túrkııadaǵy tabıǵı apat aımaǵyndaǵy izdestirý-qutqarý jumystaryna TJM qutqarýshylarymen jáne Apattar medısınasy ortalyǵynyń dárigerlerimen birge kınologııalyq toptar da qatysqan edi. TJM ókilderi OKQ alańynda izdeý-qutqarý jumystarynyń qorytyndylaryna arnalǵan brıfıng barysynda olardyń jumysy týraly aıtyp berdi, dep habarlaıdy Egemen.kz.
Mırta atty nemis ovcharkasy kınolog-nusqaýshymen birge OKQ alańyna keldi.
«Mırta Túrkııada úıindiler astynda qalǵan 3 adamdy tapty. Sondaı-aq belgııalyq malınýa ovcharkalary Djeıkob, Lıga M Sırıýs jáne Aksel, labrador Charlı Kıng, Grınpıs esimdi border kollı, kınolog-nusqaýshylarmen jáne qutqarýshylar otrıadtarymen birge birneshe kún boıy qıraǵan nysandarda jumys istep, ár adamnyń ómiri úshin kúresken», dep jazylǵan OKQ taratqan habarlamada.
TJM ókilderi qazaqstandyq kınologııalyq toptar izdestirý-qutqarý jumystarynda jaqsy nátıjeler kórsetip, úıindiler astynda qalǵan adamdardy izdeý kezinde joǵary biliktiligin rastaǵanyn aıtty.