Qaza tapqandardyń otbasylaryna balalary kámelettik jasqa tolǵanǵa deıin aı saıynǵy járdemaqy beriledi, dep habarlaıdy Egemen.kz.
Tótenshe jaǵdaılar mınıstrligi qaza tapqandardyń otbasylaryna jan-jaqty kómek kórsetýdi jáne jerleý qyzmetterine jumsalatyn barlyq shyǵyndardy «Qazavıspas» óz moınyna alǵanyn habarlady.
«Bul rette qaıtys bolǵan qyzmetkerlerdiń otbasylaryna balalary kámelettik jasqa tolǵanǵa deıin qaıtys bolǵan qyzmetkerdiń jalaqysy kóleminde aı saıynǵy járdemaqy tólenetin bolady. Ujymdyq shartta kózdelgen barlyq qajetti tólemder tólenedi. Bul máselelerdiń barlyǵy Tótenshe jaǵdaılar mınıstriniń jeke baqylaýynda», dedi mınıstrliktiń resmı ókili Rýslan Imanqulov.