Moıynqum aýdany polısııa bóliminiń krımınaldyq polısııa qyzmetkerleri Aqbaqaı aýylynda ornalasqan jekemenshik úıdiń qosalqy sharýashylyǵynda jedel-izdestirý is-sharalaryn júrgizý barysynda quramynda baǵaly metaldary bar shıkizatty zańsyz óńdeý jumystaryn júrgizetin shaǵyn sehty anyqtady, dep habarlaıdy Egemen.kz.
«Tekserý kezinde qoldan jasalǵan usatqysh, synapqa uqsas suıyqtyǵy bar 3 plastıkalyq bótelke, azot qyshqyly bar kanıstr, jalpy salmaǵy 116 keli bolatyn ishinde altyndy keni bar 2 qap tabyldy», dep jazylǵan habarlamada.Osy derekke qatysty QR QK-niń 295-1-baby 1-bóligi (Baǵaly metaldar men asyl tastardyń, quramynda baǵaly metaldar bar shıkizat taýarlarynyń zańsyz aınalymy) boıynsha sotqa deıingi tergeý amaldary bastaldy.
Polısııa qyzmetkerlerimen júrgizilgen jedel-izdestirý jumystary nátıjesinde 28 jastaǵy jergilikti turǵyn anyqtalyp, ustaldy. Oǵan qatysty eshqaıda ketpeý týraly jazbasha túrdegi bultartpaý sharasy tańdaldy.
Qazirgi ýaqytta memleketke keltirilgen zalal anyqtalyp jatyr. Birqatar qajetti saraptama taǵaıyndaldy.