Elordadaǵy «Dáýlet» tennıs ortalyǵynda eresekter arasyndaǵy Qazaqstan chempıonaty aıaqtalýǵa jaqyn, dep habarlaıdy Egemen.kz Ulttyq olımpıada komıtetiniń baspasóz qyzmetine silteme jasap.
Kortqa alǵashqy bolyp qaraǵandylyq Arslanbek Aıtqulov pen almatylyq Nıkıta Sıdorov shyqty. Birinshi setti Arslanbek taza jeńdi. Ekinshi partııada Qaraǵandy tennıs mektebiniń tárbıelenýshisi baıaýlaǵan joq, shabýyl oıynyn ustandy. Ol óz mansabynda alǵash ret eldegi eresekter birinshiliginiń fınalynda oınaıdy. Onda oǵan tájirıbeli Tımýr Habıbýlındi 2:6, 7:6 (7:1), 7:6 (7:3) esebimen jeńgen Tımýr Maýlenov qarsy turady.
Fınalda áıelder arasynda 14 jastaǵy Arıana Gogýlına jáne 15 jastaǵy Albına Kakenova baq synaıdy. Arıana jartylaı fınalda Ádemi Amangeldiniń qarsylyǵyn buzdy – 6:4, 4:6, 6:0, al Albına Aııa Myrzaqulovany jeńdi– 7:6 (7:3), 6:4.
Búgin Qazaqstannyń qysqy chempıonatynda erler men áıelder arasyndaǵy jekeleı synda Qazaqstannyń jańa chempıonynyń aty anyqtalady.