“ARAIDYŃ” ÁLEÝMETTIK QOLDAÝY

Reseıdiń “Lýkoıl” kompa­nııasy – elimizde munaı salasynda jumys isteıtin iri sheteldik ınvestor. Ol “QazMunaıGaz” UK” aksıonerlik qoǵamymen birge “QazaqOılAqtóbe” jaýapkershiligi shekteýli seriktes­ti­giniń quryl­taıshysy bolyp ta­by­lady. Seriktestik  Muǵaljar aýda­nyn­daǵy Álibekmola, Qojasaı ken or­yndarynan munaı óndirýmen aına­lysady. Bul kompanııanyń ózge sheteldik ınvestorlarǵa qaraǵanda bir ereksheligi – bıznestiń áleýmettik jaýapkershiligine basa nazar aýdara­tyndyǵy. Sonyń ishinde áleýmettik jobalarǵa qar­jylaı qoldaý kórsetýi arqyly tek qana aýyldyqtardyń az qamtylǵan tobyna óz isin ashýǵa jaǵdaı týǵyzyp otyrǵany qýantady. Buǵan deıin Mańǵystaý oblysynda osyndaı ıgilikti ister tyndyrǵan kompanııa ózderiniń  “Araı” baǵdar­la­masy aıasynda bıyl mu­naı­ly óńir Muǵaljar aýdanynda qanatqaqty jobalardy júzege asyrýǵa kirisken bolatyn. Kom­panııa sol úshin óz bız­nesin ashýǵa jáne shyǵar­ma­shylyq qabiletterin shyńdaýǵa talap qy­lý­shylar arasynda konkýrs ja­rııa­lap edi. Jaqynda óz isterin ashýǵa bıznes-jobalaryn usynǵandardyń ara­sy­nan ozyp shyqqandarǵa “Lý­koıl” kompanııasynyń 850 myń teńgege deıingi kólemde qaıtarymsyz grant­tary tapsyryldy. Kompanııanyń qaıtarymsyz grant­­taryna ıe bolǵan 56 muǵal­jarlyq alty shashtaraz, sonshama tigin sehy men naýbaıhana, eki teh­nı­kalyq qyzmet kórsetý stansasyn, eki gaz-dánekerleý sehyn ashýǵa joldama aldy. – Barlyq bıznes-jobalardy tá­ýelsiz komıssııa músheleri sara­lap,  tal­dap, iriktedi. Alys aýdan tur­ǵyn­da­rynyń iskerlik bel­sen­di­ligin bir grantqa 8 joba usy­nyl­ǵanynan da ań­ǵarýǵa bolady. Bul joba shyn má­ninde halyqtyq boldy desek, artyq aıt­qandyq bolmas. Jobalardyń bá­riniń aımaq úshin áleýmettik mańyzy zor,–dedi “Lýkoıl” kompanııasy qazaq­stan­dyq fılıalynyń dırek­tory Andreı Kırıllov. Kompanııa az qamtylǵan aýyl­dyq­tardyń qolyna qarjyny ustata salyp is bitti degen joq. Qaıta­rym­syz granttar ­tapsyrylǵannan keıin konkýrs jeńimpazdaryna arnalǵan semınar ótkizip, óz bıznesin neden bastaý kerektigine baǵyt-baǵdar siltedi, kásip­kerliktiń qyr-syryn jete túsin­dirdi. Satybaldy SÁÝIRBAI. Aqtóbe oblysy.