Almatyda jol erejelerin óreskel buzǵan 22 jastaǵy jigitke jarty mıllıon teńge aıyppul salyndy, dep habarlaıdy Egemen.kz Polisia.kz saıtyna silteme jasap.
Polısııa bul derekti áleýmettik jelini baqylaý barysynda anyqtady.
«Bizdiń bólimniń qyzmetkerleri tekserý júrgizdi. Nátıjesinde Ál-Farabı dańǵylymen shyǵys baǵytta kele jatqan BMW júrgizýshisi anyqtaldy. Ol jol qozǵalysy erejesin 29 ret óreskel buzǵan. Oǵan Ákimshilik quqyqbuzýshylyq týraly kodekstiń 595-baby 1-bóligi boıynsha (Manevr jasaý erejelerin buzý), Ákimshilik quqyqbuzýshylyq týraly kodekstiń 606-baby 1-bóligi boıynsha (Apattyq jaǵdaı týǵyzý) 2 hattama, jalpy 27 hattama toltyryldy. Júrgizýshige 534 750 myń teńge aıyppul salyndy», dep túsindirdi Almaty qalasy PD jergilikti polısııa qyzmeti basqarmasynyń basshysy Erjan Uzaqbaev.