Jol apaty Malaısary batyr kóshesinde boldy, dep habarlaıdy Egemen.kz Pavlodarnews.kz-ke silteme jasap.
Oblystyq polısııa departamenti baspasóz qyzmetiniń málimetinshe, 3 naýryz kúni úsh kólik – MAZ, avtobýs jáne Chery avtokóligi soqtyǵysqan. Saldarynan 11-baǵyttaǵy avtobýstyń jolaýshysy medısınalyq kómekke júgingen. Atalǵan fakti boıynsha tekseris júrgizilýde, saraptama taǵaıyndaldy.
Oblystyq jedel járdem stansııasy jol-kólik oqıǵasy saldarynan úsh adam zardap shekkenin habarlady. Oqıǵa ornynda medısınalyq apattar ortalyǵynyń mamandary jumys istedi.
– Zardap shekken eki adamdy medısınalyq apattar ortalyǵynyń mamandary, bireýin jedel járdem qyzmetkeri qarap shyqty. Olardyń úsheýi de № 1 qalalyq aýrýhanaǵa jetkizildi, – deıdi stansııadaǵy mamandar.
Úsheýiniń jaǵdaıy da ortasha dárejede. Kóbinde mı jaraqaty tirkelgen.