Aýa raıynyń qolaısyzdyǵyna baılanysty Aqtóbe jáne Qaraǵandy oblystarynda birqatar jol ýaqytsha jabyldy, dep habarlaıdy Egemen.kz «QazAvtoJoldyń» baspasóz qyzmetine silteme jasap.
Vedomstvo málimetinshe, búgin saǵat 07:10-da Qazaqstannyń eki oblysynda aýa raıynyń nasharlaýyna baılanysty respýblıkalyq mańyzy bar tasjoldardyń eki ýchaskesinde kólik qozǵalysyna ýaqytsha shekteý engizildi. Atap aıtqanda, Aqtóbe oblysynyń bir bóligi men Qaraǵandy oblysynyń bir bóliginde joldar jabyldy.
Aqtóbe oblysynda «Samara – Shymkent» a/j 776-965 km, Aqtóbe ýchaskesi – Qarabutaq aýyly, avtokóliktiń barlyq túrine arnalǵan jol jabyq tur.
Qaraǵandy oblysy boıynsha «Ekaterınbýrg – Almaty» tasjoly 1505-1854 km, Jumabek aýyly – Balqash ýchaskesi, kóliktiń barlyq túrine arnalǵan jol jabyq.