Ulttyq statıstıka bıýrosynyń derekterine sáıkes, 2023 jylǵy qańtarda Qazaqstannyń EAEO elderimen taýar aınalymy 2 130,4 mln dollardy qurady, bul ótken jyldyń sáıkes kezeńimen salystyrǵanda 19,1%-ǵa artyq, dep habarlaıdy Egemen.kz.
Bul rette taýarlardyń eksporty qańtar aıynda 932,7 mln dollardy (52,9%-ǵa artyq), ımport - 1 197,7 mln dollardy (1,7%-ǵa artyq) qurady.
Qazaqstannyń EAEO elderimen syrtqy saýda aınalymynyń jalpy kóleminde Reseı 92,4%-dy, Qyrǵyzstan – 4,2%-dy, Belarýs - 3,3%-dy jáne Armenııa - 0,1%-dy alady.
EAEO elderimen eksporttaǵy eń úlken ósim hımııalyq elementter boıynsha baıqaldy, bul kórsetkish ótken jyldyń sáıkes kezeńimen salystyrǵanda 9,6 ese ósti.