Álemniń 46-raketkasy Aleksandr Býblık AQSh-ta ótip jatqan ATP Challenger Tour Arizona Tennis Classic týrnırin jeńispen bastady dep habarlaıdy Egemen.kz.
Jarystyń tórtinshi raketkasy bolyp tirkelgen qazaqstandyq tennısshi bastapqy kezdesýin reıtıngte 90-orynda turǵan amerıkalyq Denıs Kýdlamen ótkizdi.
Match qorytyndysy boıynsha Býblık 7:6 (11:9), 4:6, 6:2 esebimen jeńiske jetti. 2 saǵat 13 mınýtqa sozylǵan báseke barysynda Aleksandr Býblık 5 eıs jasap, 11 breık-poınttyń tórteýin paıdalandy. Qarsylasy 4 eıs, 3 breıkpen kózge tústi.
Býblık shırek fınalǵa shyǵý úshin álemniń 93-raketkasy, qytaılyq Chjı-Chjen Chjan nemese reıtıngte 130-satyda turǵan aýstralııalyq Rınkı Hıdjıkatanyń bireýimen baq synasady.