Shveısarııanyń Non qalasynda ornalasqan ÝEFA-nyń shtab-páterinde fýtzaldan álem chempıonatyna joldama beretin irikteý týrnıri negizgi kezeńiniń jerebesi tartyldy.
Osy kúnge deıin Eýropa qurlyǵy boıynsha álemdik dop dodasyna qatysatyn 16 komanda anyqtalyp qoıǵan edi. Olar – Ázerbaıjan, Armenııa, Grýzııa, Ispanııa, Italııa, Qazaqstan, Polsha, Portýgalııa, Rýmynııa, Serbııa, Slovakııa, Slovenııa, Ýkraına, Fınlıandııa, Fransııa jáne Horvatııa quramalary. Atalǵan elder ókilderiniń barlyǵy da irikteý týrnırinde tabysty óner kórsetip, kil myqtylar bas qosatyn básekede baq synaýǵa laıyq ekenderin dáleldedi.
10-19 sáýir aralyǵynda Belgııa men Majarstan, Nıderland pen Moldova, Shvesııa men Germanııa, Chehııa men Lıtva fýtzalshylary kúsh synasady. Osy juptardyń jeńimpazdary joǵarydaǵy 16 komandanyń qataryna qosylady.