Áleýmettik jelide qyrǵyz-qazaq shekarasyndaǵy uzyn-sonar kezektiń vıdeosy tarady, dep habarlaıdy Egemen.kz.
Áleýmettik jeli qoldanýshylary qyrǵyz-qazaq shekarasyndaǵy Qordaı beketinde baza jańartylǵanyn habarlady. Bul rette shekaradan jaıaý ótkende eki tereze ǵana jumys isteıdi, birneshe saǵat kezekte turýǵa týra keledi.
«Qazaqstan Respýblıkasynyń Memlekettik shekarasy týraly» Qazaqstan Respýblıkasynyń zańyna sáıkes Qazaqstan Respýblıkasynyń memlekettik shekarasy arqyly adamdardy, kólik quraldaryn, júkter men taýarlardy ótkizý QR UQK Shekara qyzmetiniń quzyretine jatady. Qazaqstan-Qyrǵyzstan shekarasyndaǵy kezek sebepterin bilý úshin olarǵa habarlasý qajet», dedi Memlekettik kirister komıteti ókilderi.
«Qordaı» baqylaý-ótkizý beketinde jeke tulǵalar negizinen avtokólikpen jáne jaıaý ótedi, bul tulǵalardy shekaradan ótkizýdi tek UQK Shekara qyzmeti júzege asyrady.
UQK baspasóz qyzmeti túske deıin shekarada shyǵý jáne kirýge shynymen de uzyn-sonar kezek bolǵanyn rastady. Qazir ondaı kezek joq.
UQK shekaradan ótý erejeleri ózgermegenin, kezek adamdardyń kóptiginen bolǵanyn aıtty.