Keshe Astanada Bas prokýror Ashat Daýylbaevtyń Jemqorlyqqa qarsy organdary halyqaralyq qaýymdastyǵynyń Bas hatshysy, Qytaı Halyq Respýblıkasy Joǵarǵy Halyq prokýratýrasy Qýdalaý komıtetiniń múshesi Ie Fengpen kezdesýi ótti.
Bas Prokýror qonaqty prokýratýra organdary qyzmetiniń basym baǵyttary, Qazaqstannyń sybaılas jemqorlyqpen kúres salasynda qoldanyp otyrǵan naqty sharalary jóninde habardar etti. Ol sybaılas jemqorlyqqa qarsy kúresti memlekettik saıasattyń basym baǵyttarynyń biri ekenin atap kórsetti. Elimizde sybaılas jemqorlyqqa qarsy zańnamany jetildirý boıynsha aýqymdy jumystar júrgizilýde, sybaılas jemqorlyq kórinisterine qarsy turýǵa baǵyttalǵan sharalar qabyldanýda.
Taraptar sybaılas jemqorlyqqa tosqaýyl qoıýdyń ózekti máseleleri boıynsha pikir almasty. Ie Feng bolyp ótken kezdesýdiń mańyzdylyǵyn aıtyp, jemqorlyqpen kúres salasyndaǵy belsendi ózara yqpaldastyqqa rızashylyǵyn bildirdi, – dep habarlady Bas prokýratýranyń baspasóz qyzmeti.