21 naýryzda qazaqstandyq boksshy Janqosh Turarov Almatyda ótetin boks keshinde óner kórsetedi, dep habarlaıdy Egemen.kz.
Janqosh Turarov meksıkalyq Alehandro Menesespen (16-5, 9 KO) IBO jartylaı orta salmaqtaǵy álem chempıony ataǵy úshin talasady.
Tikeleı efır «Habar» telearnasynda Astana ýaqyty boıynsha saǵat 20:00-de kórsetiledi.
Janqosh Turarov óziniń sońǵy jekpe-jegin qarasha aıynda Almatyda ótkizgen. Ol jetinshi raýndta venesýelalyq boksshy Lýıs Enrıke Romerony nokaýtqa jiberip, jartylaı orta salmaqta IBO nusqasy boıynsha qurlyqaralyq chempıon ataǵyn jeńip aldy. Alehandro Meneseske keletin bolsaq, ol ótken sáýirde Brıtandyq Sem Maksvellmen judyryqtasyp, toǵyzynshy raýndta ony nokaýtqa jibergen.