ASTANA. 29 maýsym. Búgin túnde 1/8 fınalda Gollandııa jáne Meksıka quramalary kezdesip, bulardyń aldyńǵysy 2:1 esebimen jeńiske jetti. Bul týraly egemen.kz habarlady.
Gollandııa komandasy sanaýly mınýttardyń ishinde jeńilýshi jaqtan utýshy jasaqqa aınalyp shyǵa keldi. Ol naǵyz jaýyngerlerge tán qaısarlyq tanytyp, aqyryna deıin aıqasty. Sonyń nátıjesinde chempıonattan shyǵyp qalǵaly turǵan jerinen kelesi kezeńge qadam basty.
Gollandııa – Meksıka 2:1 (0:0).
29 maýsym. Fortaleza. «Kastelan» stadıony. 58 817 kórermen. Tóreshi - Pedrý Proensa (Portýgalııa).
Gollandııa: Iаsper Sıllessen, Paýl Verhag (Memfıs Depaı, 56), Ron Vlaar, Stefan de Vreı, Deılı Blınd, Dırk Kıoıt, Naıdjel de Iong (Brýno Martıns Indı, 9), Djordjıno Veınaldým, Ýeslı Sneıder, Aren Robben, Robın van Persı (Klas-Iаn Hıýntelar, 76).
Meksıka: Gılermo Ochoa, Paýl Agılar, Fransısko Rodrıges, Rafael Markes, Ektor Moreno (Dıego Reıes, 46), Mıgel Laııýn, Ektor Errera, Karlos Salsıdo, Andres Gýardado, Djovanı Dos Santos (Haver Akıno, 61), Orıbe Peralta (Haver Ernandes, 75).
Goldar: Djovanı Dos Santos (48), Ýeslı Sneıder (88), Klas-Iаn Hıýntelar (90+4-s penaltı).
Eskertýler: Paýl Agılar (69), Rafael Markes (90+2), Andres Gýardado (90-+3).
Oıynnyń birinshi taımynda meksıkalyqtar qarsylastaryna qaraǵanda qaýqarlylaý kórindi. Olar qaqpa aldynda qaýipti jaǵdaıdy kóbirek týǵyzdy. Ekinshi taımnyń basynda, 48-mınýtta Mıgel Erreranyń shákirtteri Djovannı dos Santostyń kúsh salýymen alǵashqy bolyp esep ashty. Osydan keıin «astekter» ınısıtaıvany qarsylastaryna berip qoıdy. Olar kezdesýdiń aqyrǵy sátine deıin ózderin qanaǵattandyratyn osy esepti ustap turdy.
Degenmen, alǵan betterinen qaıtpaǵan «ushqyr gollandylyqtar» qaqpanyń sońǵy syzyǵynda óte senimdi oınap turǵan Gılermo Ochoany eki ret qapy qaldyrdy. Olar alǵash ret 88-mınýtta Ýeslı Sneıderdiń soqqysynan keıin tarazy basyn teńestirdi. Al qosymsha belgilengen ýaqytta Aren Robben qarsy qaqpaǵa penaltı belgilenýin qamtamasyz etti. Ony Klas-Iаn Hıýntelar dál túsirdi – 2:1. Bul esep aıaq astynan kimniń jeńimpaz bolǵanyn anyqtap berdi. Shırek fınalǵa Gollandııa quramasy ótti.
Damır Qojamqul.
Derekkóz: egemen.kz.
Foto: Sportbox.ru.