Taıaý kúnderi Memleket basshysyna Premer-mınıstrdiń kandıdatýrasy usynylady. Bul týraly Májilis tóraǵasy Erlan Qoshanov aıtty, dep habarlaıdy Egemen.kz.
«Jaqynda Premer-mınıstrdiń kandıdatýrasy usynylady. Ýaqyty kelgende bilesizder. Qazir men ony ashyp aıta almaımyn. Memleket basshysyna kandıdatýrany taıaý kúnderi usynatyn bolamyz. Múmkin erteń ne arǵy kúni. Qazir prosedýrasyn pysyqtap jatyrmyz», dedi Májilis tóraǵasy BAQ ókilderiniń saýalyna jaýap berip.
Erlan Qoshanov dál qazir Úkimet basshysy laýazymyna myna kandıdatty usynamyn dep aıtý orynsyz bolatyndyǵyn qosa aıtty.
«Partııa tóraǵasy retinde ol - úlken jaýapkershilik. Partııa fraksııasynda aqyldasýymyz kerek. Sodan keıin men sizderdiń aldylaryńyzǵa shyǵyp nemese tıisti prosedýralar arqyly saýaldaryńyzǵa jaýap beremin», dep túıindedi Májilis tóraǵasy.