Astana turǵyndaryna 8 sáýirde ystyq sý jasyl túske boıalýy múmkin ekeni eskertildi, dep habarlaıdy Egemen.kz «Astana-Teplotranzıt» AQ málimetterine silteme jasap.
8 sáýirde kompanııa jylý jelisiniń sýyna natrıı flýoresseıniniń organıkalyq boıaýyn qosýdy josparlap otyr, bul qubyrlardyń jasyryn aqaýlary, sý jylytqyshtary men tutynýshylardyń jylý jelileriniń bekitý armatýrasynyń tyǵyzdyǵy, sondaı-aq óndiristik jáne turmystyq qajettilikterge jelilik sýdyń ysyrabyn anyqtaıdy.
Ystyq sý shúmeginen jasyl flýoressentti sýdyń aǵýy kózge baıqalǵan jaǵdaıda, astanalyqtarǵa dereý myna nómerlerge habarlaý suralady:
«ikomek 109» qyzmeti; «Astana-Teplotranzıt» AQ jedel-dıspetcherlik qyzmeti 77 12 00, 77 12 11; iske qosý qyzmetiniń dıspetcheri (jumys kúnderi 8:00-12:00 13:00-17:00) telefondary boıynsha 79 88 97 (Esil aýdany), 79 21 60 (ishki kod 102) (Saryarqa / Baıqońyr aýdany )), 77 12 92 (Almaty/Baıqońyr aýdany).