Aqmola oblysynda bir top tulǵa urlanǵan kólik quraldaryn tirkeý jáne satýmen aınalysqan, dep habarlaıdy Egemen.kz Qarjy monıtorıng agenttiginiń baspasóz qyzmetine silteme jasap.
QMA oblystyq departamenti 2020-2021 jyldar aralyǵynda Reseı Federasııasynan Qazaqstanǵa zańsyz jolmen kólik quraldaryn ákelgen azamattardyń áreketin áshkereledi.
«Atalǵan tulǵalar aldyn ala kelisim boıynsha izdeýdegi kólikterdi Reseı Federasııasynyń aýmaǵynda satyp alyp, keıinnen olarǵa jalǵan qujattar jasalyp, sonyń negizinde shekaradan is júzinde ótpeı Qazaqstan aýmaǵynda tirkegen. Qujattardy jáne memlekettik tirkeý nómirin alǵan soń, shekaradan ótip, satyp otyrǵan», dep jazylǵan habarlamada.
Sot úkimimen úsh azamat 8, 7 jáne 6 jylǵa bas bostandyǵynan aıyryldy (úkim zańdy kúshine engen joq).