Qazaqstan men Ulybrıtanııa arasyndaǵy 10 jyldyq saýda-ekonomıkalyq baılanys aıasynda 1,5-2 mlrd dollar qarajat aınalymda bolǵan. Bul rette basty eksporttyq taýar – qazaqstandyq munaı men metaldyń úlesi basym.
2022 jyly elder arasyndaǵy taýar aınalymy 1,8 mlrd dollardy qurady. Bul 2021 jylǵy kórsetkishten 58,5 paıyzǵa joǵary (1,2 mlrd dollar). Al 2010 jylǵy kórsetkishten 13 paıyzǵa tómen (2,1 mlrd dollar). Atalǵan merzimde bizdiń eldiń saýda aınalymyndaǵy Ulybrıtanııa úlesi 2,3-ten 1,4 paıyzǵa azaıyp ketken.
Byltyr Qazaqstannan Ulybrıtanııaǵa eksport 2021 jylmen salystyrǵanda 70,9 paıyzǵa ósip, 1,5 mlrd dollardy quraǵan. Ulybrıtanııaǵa eksporttyq ósim negizinen shıki munaı (643,1 mln dollar), mys jáne mys katodtary (45,3 mln dollar), óńdelmegen alıýmınıı (43,9 mln dollar) sııaqty basty taýarlar esebinen júzege asyp otyr.
Ulybrıtanııadan Qazaqstanǵa ımport 2022 jyly qańtar-jeltoqsanda 24,3 paıyzǵa ósip, 384,0 mln dollarǵa jetti. Biz koroldikten negizinen jeńil avtomobıl (44,6 mln dollar), krýızdik kemeler, paromdar jáne jolaýshylardy tasymaldaýǵa arnalǵan basqa da quraldar (24,4 mln dollar), ushý apparattary úshin starttyq qurylǵylar, palýbalyq tejeý nemese uqsas qurylǵylar, jerústi ushý trenajerlary (8,3 mln dollar), jol jáne qurylys tehnıkalaryn (5,5 mln dollar), spırtti berik ishimdikter (5,9 mln dollar) tasymaldappyz.
Al brıtanııalyq ınvestorlar elimizdegi óńdeýshi ónerkásipte, qarjy sektorynda, transport sektorynda, saýda, ǵylymı-tehnıkalyq salalarda kóbirek jumys isteıdi. 2005 jyldan 2022 jyldyń 3-toqsanyna deıingi aralyqta Ulybrıtanııadan Qazaqstanǵa tikeleı sheteldik ınvestısııanyń jalpy aǵyny 16,4 mlrd dollardy qurady. 2022 jyldyń qorytyndysy boıynsha el ekonomıkasyndaǵy negizgi ınvestorlar arasynda Ulybrıtanııa altynshy orynda tur.