Ekologııa jáne tabıǵı resýrstar mınıstriniń mindetin atqarýshynyń 2023 jylǵy 30 naýryzdaǵy buıryǵymen respýblıka aýmaǵynan óńdelmegen balyqtyń jekelegen túrlerin áketýge tyıym salyndy, dep habarlaıdy Egemen.kz.
«6 aı merzimge muzdatylǵan, jańa muzdatylǵan nemese salqyndatylǵan balyqtardyń jekelegen túrlerin eksporttaýǵa tyıym salý engizilsin», delingen qujatta.
Ekologııa jáne tabıǵı resýrstar mınıstrliginiń Balyq sharýashylyǵy komıtetine Qazaqstan Respýblıkasy Qarjy mınıstrliginiń Memlekettik kirister komıtetine jáne Shekara qyzmetine, sondaı-aq Eýrazııalyq ekonomıkalyq komıssııaǵa tyıymnyń engizilgeni týraly habarlaý tapsyryldy.
Buıryq 2023 jyldyń 15 sáýirinde zańdy kúshine enedi.