Astana qalasyndaǵy Baıqońyr aýdanynyń №2 sotynyń óndirisine bıýdjet qarajatyn urlady degen aıyppen Arystanbek Muhamedıulynyń qylmystyq isi kelip tústi, dep habarlaıdy Egemen.kz.
Sonymen qatar A. Sh. Nurazhan, A. Q. Kóshenov jáne A. T. Sádýaqasovtardyń da isi sotqa jetti.
«Atalǵan qylmystyq is boıynsha negizgi sot talqysy 2023 jyly 17 sáýirde saǵat 10.00-ge taǵaıyndaldy», delingen Astana qalasy Baıqońyr aýdanynyń №2 sotynyń habarlamasynda.
Sot otyrysy ashyq ótedi.
2022 jyly 29 mamyrda Arystan Muhamedıulynyń qamaýǵa alynǵany belgili boldy. Oǵan qatysty halyqaralyq kórmelerdi ótkizýge bólingen 140 mln teńgeden astam qarajatty jymqyrdy degen kúdik boıynsha qamaýǵa alýǵa sanksııa berildi.
16 shildede Arystanbek Muhamedıulynyń isi boıynsha urlyqtyń taǵy bir epızody anyqtaldy. Antıkor Ulttyq mýzeı oryndalǵan jumystar úshin merdiger uıymǵa 1,3 mlrd teńge asyra tólegenin habarlady. Al tekserý jumystyń naqty quny 83,4 mln teńgeni quraǵanyn aıqyndaǵan.
26 tamyzda Arystanbek Muhamedıulynyń isi boıynsha jańa málimetter paıda boldy. Sybaılas jemqorlyqqa qarsy qyzmette tergeý «Álem murajaılary boıynsha Altyn adamnyń sherýi» halyqaralyq kórmesin ótkizýge, sondaı-aq «Qazaqstannyń ulttyq kıeli oryndary men murajaı qorlaryn jalpymemlekettik fotogrammetrııalyq 3D-skanerleý» jáne «Qazaqstan Respýblıkasynyń Ulttyq sıfrlyq kınokolleksııasyn sıfrlandyrý» jobalaryna bólingen bıýdjet qarajatyn urlaý faktileri boıynsha júrgizilip jatqandyǵyn aıtty.
2023 jyly 17 qańtarda Astananyń mamandandyrylǵan aýdanaralyq tergeý soty Arystanbek Muhamedıulyn qamaýǵa alý taǵy bir aıǵa uzartylǵanyn habarlaǵan.
24 qańtarda Arystanbek Muhamedıulynyń isi boıynsha Qazaqstan Ulttyq mýzeıi dırektorynyń burynǵy orynbasary ustalǵany belgili boldy. Antıkordyń málimetinshe, Almaz Nurazhan Muhamedıulymen jáne basqalarmen sóz baılasyp, «Álem murajaılary boıynsha Altyn adamnyń sherýi» halyqaralyq kórmesiniń jobasyn iske asyrý kezinde 221 mln teńge somasynda senip tapsyrylǵan bıýdjet qarajatyn urlaǵan.