Premer-mınıstr Álıhan Smaıylov jańa energetıka mınıstri Almasadam Sátqalıevten Qazaqstannyń jylý elektr ortalyqtarynda jóndeý jumystary naqty bastalatyn kúndi surady, dep habarlaıdy Egemen.kz.
Sátqalıev barlyq derlik JEO boıynsha jóndeý jumystaryna qajetti qural-jabdyqtar satyp alynyp jatqanyna sendirdi.
«Eger keste boıynsha aıtsaq, Eýrazııalyq energetıkalyq korporasııanyń MAES №8 energoblogynda, sondaı-aq Petropavl JEO, «SevKazEnergo», Atyraý JEO, «ArselorMıttal Temirtaý» AQ JEO, Jezqazǵan JEO, «Qarashyǵanaq Petroleým Opereıtıng» JEO-da kúrdeli jóndeý júrgizilip jatyr», dedi Sátqalıev Úkimet otyrysynda.
Jańa mınıstr jóndeý jumystarynyń bastalýy men aıaqtalýyna qatysty jaǵdaı Energetıka mınıstrliginiń turaqty baqylaýynda ekenine sendirdi.
«15 sáýirde «Tarazenergosentr» AQ JEO-4, 21 sáýirden bastap Qaraǵandy JEO-3, «Qaraǵandy Energosentr» JShS, MAEK JShS JEO-2 jáne basqa da elektr stansııalarynda, sonyń ishinde «Samrýk Energo» MAES-ta jóndeý jumystary bastalady», dep túıindedi mınıstr.