Memleket basshysy Qasym-Jomart Toqaev «Atameken» UKP prezıdıýmynyń tóraǵasy Raıymbek Batalovty qabyldady, dep habarlaıdy Egemen.kz Aqordanyń baspasóz qyzmetine silteme jasap.
Memleket basshysyna shaǵyn jáne orta bıznesti damytý tásilderin jetildirý, otandyq kásipkerliktiń máselelerin sheshý jónindegi Palatanyń qyzmeti týraly málimet berildi.
Kezdesý barysynda elimizdegi kásipkerlikti damytýdyń negizgi baǵyttaryna erekshe nazar aýdaryldy. Raıymbek Batalov shaǵyn jáne orta bıznesti qoldaýdyń biryńǵaı keshendi baǵdarlamasyn ázirleýdiń mańyzdy ekenin atap ótti. Onyń aıtýynsha, baǵdarlamada otandyq ınvestısııany yntalandyrý úshin orta bıznesti damytýǵa basa mán berilýi qajet.
Kezdesý sońynda Qasym-Jomart Toqaev strategııalyq sheshimder qabyldaý barysynda bıznestiń ustanymyn eskerý mańyzdy ekenin aıtty.