Búgin «Qazgıdromet» RMK sınoptıkteri qolaısyz aýa raıyna baılanysty birneshe óńirde eskertý jasady, dep habarlaıdy Egemen.kz.
Jetisý oblysynyń ońtústiginde, ortalyǵynda, taýly aýdandarynda naızaǵaı oınaıdy. Soltústik-shyǵystan jel soǵady, oblystyń soltústiginde, shyǵysynda ekpini 15-20, keı ýaqyttarda 23-28 m/s-qa jetedi.
Atyraý oblysynyń ońtústiginde, shyǵysynda shańdy daýyl bolady. Ońtústik-shyǵystan jel soǵady, túnde oblystyń batysynda, ońtústiginde 15-20, kúndiz oblystyń basym bóliginde ekpini - 17-22 m/s.Mańǵystaý oblysynyń batysynda, ońtústiginde, ortalyǵynda shańdy daýyl bolady. Ońtústik-shyǵystan jel soǵady, oblystyń batysynda, ońtústiginde, ortalyǵynda ekpini 18-23 m/s-qa jetedi.
Batys Qazaqstan oblysynyń batysynda, ońtústiginde jel soltústik-shyǵystan, shyǵystan soǵady, ekpini - 15-20 m/s. Túnde oblystyń soltústiginde, shyǵysynda topyraq betinde 2 gradýs úsik bolady.
Pavlodar oblysynyń soltústiginde batystan jel soǵady, ekpini - 15-20 m/s.
Soltústik Qazaqstan oblysynyń soltústiginde, shyǵysynda, ońtústiginde ońtústik-batystan jel soǵady, ekpini 15-20 m/s, kúndiz oblystyń basym bóliginde 15-20 m/s, ekpini 25 m/s-qa jetedi.
Qyzylorda oblysynyń soltústiginde ońtústik-shyǵystan jel soǵady, kúshi - 15-20 m/s.
Túrkistan oblysynyń taýynda naızaǵaı oınap, burshaq jaýady. Ońtústik-shyǵystan jel soǵady, naızaǵaı kezinde ekpini - 15-20 m/s.
Jambyl oblysynyń ońtústiginde, taýly aýdandarynda naızaǵaı oınaıdy. 12-13 sáýirde ońtústik-shyǵystan jel soǵady, oblystyń taýly aýdandarynda ekpini 15-20 m/s-qa jetedi.