Qazaqstanda jer qoınaýyn paıdalaný quqyǵyn berýge arnalǵan aýksıon ótkizýge ótinishterdi qabyldaý bastaldy, dep habarlaıdy Egemen.kz Energetıka mınıstrligi baspasóz qyzmetine silteme jasap.
2023 jylǵy 24 naýryzda Memlekettik jer qoınaýy qoryn basqarý baǵdarlamasy (MJQQBB) bekitildi, oǵan kómirsýtekter boıynsha 56 jer qoınaýy ýchaskesi engizildi.
Qazirgi tańda jer qoınaýy quqyǵyn alýǵa múddeli barlyq tulǵalar aýksıon ótkizýge arnalǵan ótinishti «Aqparattyq-esepteý ortalyǵy» AQ elektrondyq aýksıondar operatorynyń saıtynda bere alady
Aýksıon negizinde kómirsýtekter boıynsha jer qoınaýyn paıdalaný quqyǵyn berýdiń sharttary men tártibi «Jer qoınaýy jáne jer qoınaýyn paıdalaný týraly» QR Kodeksiniń (budan ári – Kodeks) 93-99-baptarynda jáne Kómirsýtekter boıynsha jer qoınaýyn paıdalaný quqyǵyn berýge arnalǵan elektrondyq aýksıondar operatorynyń ınternet-resýrsyn paıdalana otyryp, elektrondyq nysanda aýksıon ótkizý qaǵıdalarynda (QR Energetıka mınıstrliginiń 2022 jylǵy 29 jeltoqsandaǵy №439 buıryǵy) kózdelgen.
Aýksıon tolyǵymen avtomattandyrylǵan, ıaǵnı ashyqtyqty qamtamasyz etý úshin tek elektrondy formatta ótkiziledi.
Aýksıon ótkizýge arnalǵan ótinishter Kodekstiń 94-babynyń 1-tarmaǵyna sáıkes Memlekettik jer qoınaýy qoryn basqarý baǵdarlamasyna aýksıon bóliginde engizilgen jer qoınaýy ýchaskeleri boıynsha qabyldanady.
Quzyretti organ kómirsýtekter boıynsha jer qoınaýyn paıdalaný quqyǵyn alýǵa múddeli tulǵalardan aýksıon ótkizýge berilgen ótinishterdi qaraý qorytyndylary boıynsha quzyretti organnyń saıtynda kómirsýtekter boıynsha jer qoınaýyn paıdalaný quqyǵyn berýge arnalǵan elektrondyq aýksıon ótkizý týraly habarlamany (budan ári – Habarlama) jarııalaıdy. Habarlamada geografııalyq koordınattar, qol qoıylatyn bonýstyń bastapqy mólsheri, barlaý kezeńinde jer qoınaýy ýchaskesindegi jumystardyń kólemi men túrleri boıynsha eń tómengi talaptar jáne olardyń baǵalaý quny týraly aqparatpen, sondaı-aq aýksıonǵa qatysýǵa ótinishter berý merzimderi, aýksıondy ótkizý kúni men ýaqyty týraly aqparatpen tanysýǵa bolady.
«О́tinishterdi qalyptastyrý jáne berý úshin jeke jáne zańdy tulǵalarǵa elektrondyq-sıfrlyq qoltańba qajet ekenin qosymsha habarlaımyz», delingen habarlamada.