Týnıs pen Sırııa eki el arasyndaǵy dıplomatııalyq qarym-qatynasty qalpyna keltirý úshin elshilikterin qaıta ashý týraly sheshim qabyldady. Bul týraly sársenbi kúni Týnıs Syrtqy ister mınıstrligi habarlady, dep jazady Egemen.kz.
«Prezıdent Kaıs Saıdtyń Sırııaǵa Týnıs elshisin taǵaıyndaý týraly bastamasyna jaýap retinde sırııalyq tarap bul taǵaıyndaýdy maquldady», delingen SIM habarlamasynda.
Sırııa jaǵy da Týnıste óz elshiligin ashýǵa jáne elshi taǵaıyndaýǵa sheshim qabyldady.
Eki eldiń syrtqy ister mınıstrleri Týnıs pen Sırııa arasyndaǵy qalypty qarym-qatynasty qalpyna keltirý úshin konsýltasııalar men áreketterdi úılestirýdi jalǵastyrady.
Málimdemege sáıkes, taraptar Týnıs pen Sırııany biriktiretin baýyrlastyq baılanystardy nyǵaıtýǵa, sondaı-aq eki el arasyndaǵy yntymaqtastyq qundylyqtaryn qoldaýǵa tyrysady.
Týnıs Sırııada azamattyq soǵys bastalǵannan keıin 2012 jyldyń aqpanynda Sırııamen dıplomatııalyq qarym-qatynasyn úzgen edi.