Qazaqstan Respýblıkasynda til saıasatyn damytýdyń 2023-2029 jyldarǵa arnalǵan tujyrymdamasynyń jobasyn talqylaý qorytyndysy boıynsha halyqtyń pikiri eskerile otyryp, ózgerister men tolyqtyrýlar engiziledi, dep habarlaıdy Egemen.kz.
Qujat jobasyn ázirleý kezinde til saıasaty máseleleri boıynsha keshendi áleýmettanýshylyq jáne taldamalyq zertteýlerdiń qorytyndylary qaraldy, taldandy jáne qabyldandy.
Tujyrymdamany iske asyrý eldegi tildik ahýaldyń áleýetin jáne onyń qoǵamdyq-saıası, áleýmettik salany damytýǵa qosqan úlesin arttyrýǵa, óńirlik deńgeıde ózekti máselelerdi sheshýge, onyń ishinde tildik kemsitýshiliktiń aldyn alý jónindegi sharalardy júzege asyrýǵa yqpal etetin bolady.
Qujat jobasynda qazaq tilin latyn álipbıine kóshirý máselesi de jan-jaqty qarastyrylǵan. Álipbıdiń bastapqy nusqalaryn ázirleý kezinde týyndaǵan máseleler jáne olardy sheshý joldary taldanǵan. Aıta ketý kerek, bul baǵyttaǵy jumys kezeń-kezeńmen júrgiziletin bolady.
Sondaı-aq «Ashyq NQA» portalyna ornalastyrylǵan joba túpkilikti emes ekenin atap ótken jón.
Qujatty talqylaý qorytyndysy boıynsha halyqtyń pikiri eskerile otyryp, ózgerister men tolyqtyrýlar engiziletin bolady.
Joba mátinimen kelesi silteme boıynsha tanysýǵa bolady.