Ál-Azhardyń Bas ımamy sheıh Ahmed at-Taıeb Qazaqstannyń Mysyrdaǵy elshisi Qaırat Lama Sharıfti qabyldady, dep habarlaıdy Egemen.kz.
Kezdesý barysynda Qazaqstan elshisi sheıh A. at-Taıebti bıylǵy jyly Sultan Beıbarystyń 800 jyldyǵyn toılaý aıasynda ótetin is-sharalarmen tanystyryp ótti.
Ál-Azhar sheıhi óz tarapynan Kaırdegi áz-Zahır Beıbarys meshitiniń saltanatty ashylýyna oraı, sondaı-aq ál-Azhar ýnıversıtetinde Sultan Beıbarystyń 800 jyldyq mereıtoıyna arnalǵan halyqaralyq konferensııa ótkizý boıynsha múddeli mysyrlyq mekemelerge tıisti tapsyrmalaryn berdi.
Aıta ketetin jaıt, mereıtoıǵa qatysty 500-den astam is-shara uıymdastyrý josparlansa, onyń 50-ge jýyǵy halyqaralyq jáne respýblıkalyq deńgeıde ótkizilmek. Bul is-sharalar mádenı-aǵartý jáne bilim berý salalarynda uly Sultan Beıbarys murasyn keńinen nasıhattaýdy kózdeıdi. 2023 jylǵy 24 aqpanda Astanada kórnekti qolbasshy Sultan Beıbarys atyndaǵy kóshe ashyldy.