Jańaózendegi jarylystan zardap shekkenderdiń biri 1972 jyly týǵan er adam Mańǵystaý oblystyq kópsalaly aýrýhanasyna jedel járdemmen jetkizildi, dep habarlaıdy Egemen.kz.
«Dárigerler zardap shekken adamǵa denesiniń 60-70 paıyzyn kúıik shalǵan degen dıagnoz qoıdy. Naýqas jansaqtaý bóliminde aýyr jaǵdaıda jatyr. Tıisti em-dom júrgizilýde», dep málim etti Mańǵystaý oblystyq densaýlyq saqtaý basqarmasynyń baspasóz qyzmeti.
Aıta ketsek, búgin Jańaózen qalasynyń 2-móltek aýdanyndaǵy 2 qabatty úıde jarylys bolyp, 13 adam zardap shekken edi.
Oqıǵa boıynsha qylmystyq is qozǵalyp, barlyǵy 4 adam qaza tapty.