Qazaqstannyń Oman Sultandyǵyndaǵy Elshisi Najmedın Muhametáliuly Oman Saýda, ónerkásip jáne ınvestısııalardy qoldaý mınıstri Qaıs ál-Iýsefpen kezdesý ótkizdi, dep habarlaıdy Egemen.kz Syrtqy ister mınıstrliginiń baspasóz qyzmetine silteme jasap.
Kezdesýde 2023 jylǵy 8-9 maýsymda ótetin Astana halyqaralyq forýmǵa shaqyrý haty tabystalyp, kózdelip otyrǵan is-sharanyń mańyzdylyǵy men kún tártibi talqylandy. Qaıs ál-Iýsef hatty rızashylyqpen qabyldap, atalǵan forýmǵa qyzyǵýshylyq tanytty.
Sonymen qatar, taraptar ekijaqty saýda-ekonomıkalyq jáne ınvestısııalyq qatynastardy keńeıtý qajettiligin talqylady. Atap aıtqanda, qurylyp otyrǵan úkimetaralyq komıssııa sheńberinde qos eldiń múddeli memlekettik jáne jekemenshik uıymdary arasyndaǵy ózara is-qımyldy jandandyrý joldary qarastyryldy.