Prezıdent tabıǵı rentanyń budan bylaı halyq ál-aýqatynyń turaqty kózi bolmaıtynyn atap ótti.
Bul qaǵıdany (oıdy) alypsatarlarǵa aldaǵy birneshe ǵasyr sheńberinde uqtyryp tastaǵan jaqsy bolar edi. Olarǵa ekonomıkany damytpaı, jergilikti qosylǵan qundy ósirmeı biz álemnen artta qala beretinimizdi túsindirý kerek. Degradasııaǵa ushyraımyz. Tipti bir kúnderi memleketimizdiń ómirsheńdigine qatysty másele týyndaýy múmkin. Bul suraqty el azamattarynyń ózi de qoıa bastaıdy. Sondyqtan bilekti sybanyp, zamanaýı ındýstrıaldy ekonomıka qurýǵa kirisetin ýaqyt keldi. Tıisinshe ózge jobalar osyǵan baǵdarlanǵany jón.
О́z-ózin qamtamasyz ete alatyn ekonomıka qurylmaıynsha, sapaly bilim de, áleýmettik qamsyzdandyrý da, densaýlyq saqtaý da bolmaıdy. Júıeni tolyqtaı qamtýǵa qabiletsiz popýlızm qarapaıym halyqtyń jaqsy ómir súrýge degen umtylysyna nuqsan keltiredi.
Prezıdent talantty, tabysty bıznesmenderge arnalǵan «lıft» týraly da aıtty. Jaqyn arada bıznesmenderdiń birin ákim nemese mınıstr kreslosynan kórip qalýymyz múmkin be? Kelip, salany sheneýniktik bıýrokratııadan aryltyp, bıznes-úderisterdi jolǵa qoıyp, retteıtin shyǵar, bálkim.