Búgingi Májilis otyrysynda Amanat fraksııasynyń depýtattary Maqsat Tolyqbaev, Aıdos Sarym jáne Rınat Zaıtov Premer-mınıstrdiń orynbasary Altaı Kólginovke Qoja Ahmet Iаssaýı kesenesiniń qazirgi jaǵdaıyna baılanysty saýal joldady, dep habarlaıdy Egemen.kz.
Saýaldy depýtat Maqsat Tolyqbaev oqyp berdi. Ol óziniń saýaly ulttyq rýhanııat pen keleshek urpaqtyń tarıhynan ajyramaýy úshin mańyzy zor dep esepteıdi.
«Atap aıtsaq, kesene qabyrǵalary ylǵal tartyp, kúmbezdiń betki qabaty qopsyp, tuzy shyǵyp jatyr. Tuz osy 2-3 jyl buryn ǵana paıda boldy. Sebebi keıingi jyldary keseneniń aldynda kógaldandyrý, jasandy abattandyrý jumystary júrdi. Ǵımarattyń ishindegi ylǵaldylyqtyń shekten tys artýynan kúmbezdiń betine qara daqtar shyqty. Dymqyldan jarylǵan sylaqtar kózge anyq kórinedi. Qyzmetkerler týrısterdiń tóbesinen sylaq túsip júrmesin dep, Taıqazannyń aýmaǵyn qyzyl lentamen qorshap qoıýǵa májbúr. Al abattandyrýdyń qyzyǵyna kenelgen jergilikti ákimdik, mamandardyń dabylyna qulaq asar emes. Ǵalymdardyń aıtýynsha, keseneniń áý bastaǵy jobasyn ǵylymı turǵyda zerttep almaı, jyl saıyn restavrasııa júrgizý - qyrýar aqshany dalaǵa shashqanmen birdeı. О́ıtkeni keseneniń aldynda turǵan kirpishter men astynda ǵasyrlar boıy jatqan qamysty alyp tastap, ol jerge jaltyraǵan beton granıt taqtalar qoıǵan soń ylǵal tartyp jatqanyn aıtady. Sonymen qatar kúmbezdegi tesikterdi bitep qana qoımaı, ishki jaǵyn qalyń gıpspen bes elideı etip japqan», dedi Maqsat Tolyqbaev.
Depýtat atap ótkendeı, 2021-2022 jyly atalmysh kesenege zertteý-saraptaý júrgizgen «Qazqaıtajańǵyrtý» respýblıkalyq memlekettik kásiporny oǵan «qanaǵattanarlyq» dep baǵa bergen.
«Minekeı, osyndaı olqylyqtardyń kesirinen Qoja Ahmet Iаssaýı kesenesine jer astyna ketip qalý qaýpi tónip tur. Qurmetti Premer-mınıstrdiń orynbasary, ata-babalarymyz «О́tkenin joǵaltqannyń – keleshegi joq» degen sózdi beker qaldyrmaǵany anyq. Biz búgin , VI – ǵasyrdan astam ýaqyt kúlli Túrki-Turan halqynyń uly jádigeri, Qazaq memleketin san ǵasyrlyq synaqtardan aman alyp ótken handar men bılerdiń, batyrlar men qaıratkerlerdiń panteony, Qoja Ahmet Iаssaýı kesenesin saqtaýǵa mindettimiz. Mańǵystaýda pir Beket, Túrkistanda Qoja Ahmet dep maqtanatyn teńdesi joq qurylysymyzdy 6 kúnde jer astyna jiberip alsaq 6 qurlyqtyń aldynda jerge qaraıtynymyz anyq. Biz kótergen másele 2023 jyldyń 10-25 qyrkúıeginde Saýd Arabııa memleketiniń Er-Rııad qalasynda ótetetin Búkilálemdik mura komıtetinde talqylanbaq. Alaıda arqany keńge salyp kútip otyratyn ýaqyt joq», dep qosty Maqsat Tolyqbaev.
Depýtattar Altaı Kólginovten keseneniń aınalasyndaǵy sapasyz, olqylyqtary kóp qurylystardy keshiktirmeı retteýge jáne kesenege tóngen qaýiptiń aldyn alýǵa nazar aýdarýdy surady.