Qazaqstan musylmandary dinı basqarmasynyń tóraǵasy Naýryzbaı qajy Taǵanuly elordadaǵy Respýblıkalyq bas meshitte ótken Ramazan aıyndaǵy sońǵy taraýıh namazyna qatysty, dep habarlaıdy Egemen.kz.
Bas múftı keler jylǵy Ramazanǵa deıin musylman úmbeti saǵyna kútetin erekshe namaz jáne berekeli aı jóninde ýaǵyz aıtyp, jamaǵatty aldaǵy oraza aıtpen quttyqtady.
- «Qosh bol, Ramazan» dep jatyrmyz. Bul jaı sózder emes, júrekten, kóz jasyna erik bere aıtylar sóz. Ata-babalarymyz, sahabalar solaı istegen. Biz de Ramazannyń ótip bara jatqanyn, keler jylǵa deıin qaıta kelmeıtinin oılasaq, kóńilimiz bosaıdy. О́ıtkeni biz Ramazandy jaqsy kóremiz, ony saǵynamyz. Sol súıikti Ramazanymyz bizden ketip bara jatyr. Qaıta aınalyp kelgenshe barshamyz aman bolaıy, - dedi QMDB Tóraǵasy.