Ońtústik Qazaqstanda sheteldik azamat terakt uıymdastyrmaq bolǵan. Bul týraly Ulttyq qaýipsizdik komıtetiniń baspasóz qyzmeti habarlady, dep jazady Egemen.kz.
Sonymen qatar vedomstvo astanada radıkaldy dinı uıashyqtyń beıtaraptandyrylǵanyn málim etti. Onyń 8 múshesi terrorıstik topty qurý, terrorızmdi nasıhattaý jáne qarjylandyrý, sonymen qatar ózge de qylmystarǵa qatysy bar degen kúdikke ilindi.
Osyǵan uqsas faktiler boıynsha jalpy 19 adam ustalyp, Qazaqstannyń taǵy 4 azamaty ártúrli merzimge bas bostandyǵynan aıyrý jazasyna sottaldy.
«Atalǵan qaýipterge qarsy is-qımyldy jetildirý aıasynda Terrorızmge qarsy ortalyqtyń úılestirýimen 188 oqý-jattyǵýlary ótkizildi. Quzyretti memlekettik organdardyń kúsh-qurylymdarynyń terrorıstik qaterlerdi ýaqtyly anyqtaý men terrorızm aktileriniń jolyn kesý boıynsha is-qımyldaryn birlestirý jumysy pysyqtaldy. Jalǵan terrorızmge qarsy is-qımyldy jetildirý boıynsha sharalar kúsheıtildi», delingen habarlamada.