Búgin Atyraýdy taǵy da shańdy daýyl basyp tur, dep habarlaıdy Egemen.kz.
Atyraý oblysynda shańdy daýyl jıi kóteriledi. Qala turǵyndary búgin de tabıǵı qubylystyń kýágeri boldy.
Keshe, 20 sáýirde óńir turǵyndaryna 112 qyzmetinen shańdy daýyl bolatyny týraly habarlama joldanǵan edi.
«Qazgıdromet» RMK-nyń málimetinshe, Atyraý oblysynyń batysynda, shyǵysynda, ońtústiginde shańdy daýyl kútiledi.
«Ońtústik-shyǵystan jel soǵady. Túnde oblystyń batysynda, shyǵysynda, ońtústiginde, kúndiz basym bóliginde ekpini – 17-22 m/s. Atyraý qalasynda keı ýaqytta shańdy daýyl kútiledi. Ońtústik-shyǵystan jel soǵady, ekpini 15-20 m/s bolady», delingen «Qazgıdromet» habarlamasynda.