25 sáýirde Ankarada jer silkinisi saldaryn joıý kezinde qutqarý bólimshelerin basqarǵan tótenshe vedomstvo ókilderi marapattaldy, dep habarlaıdy Egemen.kz TJM baspasóz qyzmetine silteme jasap.
80-nen asa eldiń ókilderi arasynda Qazaqstannan TJ birinshi vıse-mınıstri Ibragım Kúlshimbaev qatysqan. Ol jer silkinisi saldaryn joıýǵa kómek kórsetkeni úshin nagradtaldy. Memlekettik nagradany Túrkııa prezıdenti Redjep Taııp Erdoǵan tabys etti.
«Marapat úshin alǵysymdy bildiremin! Baýyrlas túrik halqyna taǵy da kóńil aıtamyn. О́mirdi qutqarýǵa qatysqan barsha halyqqa, qutqarýshylar men dıplomatııalyq korpýsqa alǵys! Biz Túrkııa halqy jaqyn arada tabıǵı apattyń saldaryn jeńedi dep senemiz», dedi Ibragım Kúlshimbaev.
Aıta keteıik Túrkııanyń úsh óńirinde izdestirý-qutqarý jumystaryn júrgizý bastalǵannan beri Qazaqstan TJM qutqarýshylarynyń kúshteri 7 adamdy qutqardy. Qaza tapqan 88 adamnyń, onyń ishinde 10 balanyń denesi shyǵaryldy.