Almaty turǵyndary kópqabatty úıdiń tóbesin, qasbetin nemese lıftin jóndeı alady. TÚKSh jańǵyrtý baǵdarlamasyna qatysý úshin turǵyn úıdegi páter ıelerinen ótinim berý qajet, dep habarlaıdy Egemen.kz zakon.kz saıtyna silteme jasap.
Almaty qalasy ákimdigi taratqan aqparatyna súıensek, turǵyndar kúrdeli jóndeý júrgizip, shatyrdy, ınjenerlik jáne elektr jelilerin aýystyrýdy, kireberisti jáne t.b. jumystardy atqara alady.
Qarjy bıýdjetten 8 jyldan 15 jylǵa deıingi merzimde qaıtarymdy negizde paıyzsyz beriledi.
Ákimdik ókilderiniń málimetinshe, 2011-2022 jyldary baǵdarlama aıasynda 965 kópqabatty úı jóndeldi. Bıylǵy kezekte 100 kóppáterli úı tur.
«Baǵdarlamaǵa qatysý úshin jınalysta turǵyn úıdi jóndeý týraly sheshim qabyldaıdy. Odan keıin hattama men ótinimdi baǵdarlama operatory «Almaty Turǵyn úı» JShS joldaý kerek», delingen Almaty qalasynyń ákimdigi taratqan habarlamada.