Búgin astanada Halyqaralyq shahmat federasııasynyń prezıdenti Arkadıı Dvorkovıch shahmatshylar saıabaǵynda aǵash egý rásimine qatysty, dep habarlaıdy Egemen.kz.
Elordada shahmatshylar saıabaǵy 2005 jyly ashyldy. Dástúr boıynsha qalaǵa kelgen áıgili shahmat sheberleri saıabaqta aǵash egedi. Búgin munda Vladımır Kramnık pen Vıshı Anand, 2018 jylǵy jyldam shahmat boıynsha álem chempıony Danııl Dýbov, Azııa chempıony Dınara Sadýaqasova, Halyqaralyq shahmat federasııasynyń prezıdenti Arkadıı Dvorkovıch aǵash ekti.
Rásimge sonymen qatar Qazaqstan shahmat federasııasynyń birinshi vıse-prezıdenti Darmen Sadýaqasov, KShF atqarýshy dırektory Gúlmıra Dáýletova, Astana qalasynyń dene shynyqtyrý jáne sport basqarmasynyń jetekshisi Samat Jylqybaev qatysty.
FIDE prezıdenti chempıonattyń joǵary deńgeıde ótip jatqanyn atap ótti. Sondaı-aq ol FIDE Qazaqstan shahmat federasııasymen seriktestikti jalǵastyratynyn aıtty.