Ortalyqtyń ashylý saltanatynda Aqparat jáne qoǵamdyq damý mınıstri Darhan Qýandyquly Qydyráli mundaı ortalyqtardyń jastar úshin asa mańyzdy ekenin aıtty.
«Bul bizdiń alǵashqy jobamyz jáne ol Jetisý jerinen bastaý alyp jatyr. Prezıdent jastarǵa úlken mán berip, qamqorlyq jasap keledi. Taıaýda Memleket basshysy Jastar saıasaty týraly zańǵa qol qoıdy. Ol boıynsha jastar sanaty 35-ke deıin ulǵaıtylǵanyn bilesizder. Jastar saıasaty týraly tujyrymdama qabyldandy. Jalpy, jastarǵa arnalǵan «Jas project» jáne «Táýelsizdik urpaqtary» sekildi jobalar ulandardyń damýyna erekshe serpin beredi, dedi Aqparat jáne qoǵamdyq mınıstri.
Jastar saıasaty týraly tujyrymdamaǵa saı, sıfrlyq saýattylyq boıynsha óńirlerdegi 1,5 mln jasty oqytý josparlanyp otyr.Jastar ortalyǵy janyndaǵy «Jetisu IT-Hub» ta osy mejeni oryndaýǵa qajet. Habta jastar óz startaptaryn jasap, kásipkerlik jobalaryn bastaıdy.
Budan bólek, Sumsung kompanııasynyń qoldaýymen «Sumsung Innovation Campus» kabıneti ashylǵan. Kampýsta 15 jas azamat bilim alyp jatyr. Qazirgi jastar tendensııasyna sáıkes no code baǵdarlamasy arqyly joba jasaýda.
Mınıstr jastarǵa sáttilik tilep, ortalyq pen IT-hub jańa talanttarǵa jol ashady degen senim bildirdi.