Búgin 2023 jylǵy bokstan álem chempıonatynyń jeńimpazdary – Sanjar Táshkenbaı, Mahmud Sabyrhan, Aslanbek Shymbergenov, Nurbek Oralbaı jáne kúmis medal ıegeri Dýlat Bekbaýov, sondaı-aq bokstan Qazaqstan ulttyq quramasynyń músheleri men bapkerleri Aqorda rezıdensııasynda boldy, dep habarlaıdy Egemen.kz.
Sportshylardy qabyldaǵan Memleket basshysy Qasym-Jomart Toqaev Qazaqstan namysyn qorǵaǵan boksshylardy álem chempıonatyndaǵy jarqyn jeńisimen shyn júrekten quttyqtap, bul jeńis tutas elimiz ben el azamattary úshin aıtýly oqıǵa ekenin atap ótti.
Kezdesý barysynda Prezıdent sportshylarǵa sáttilik tilep, Qazaqstan boks federasııasynyń basshylyǵyna, sportshylar men bapkerlerge Qazaqstan Respýblıkasy Prezıdentiniń Alǵys hattary men Qurmet gramotalaryn tabys etti.
Al bokstan Qazaqstan ulttyq quramasynyń bas bapkeri Myrzaǵalı Aıtjanov Qasym-Jomart Toqaevqa boks qolǵabyn syılady.