TJD Azamattyq qorǵanys basqarmasynyń bastyǵy Azamat Qusaıynov shomylý maýsymy bastalar aldynda sýda ózin-ózi ustaý erejelerin eske saldy, dep habarlaıdy Egemen.kz.
A.Qusaıynov elordada tórt aımaqta – ortalyq jaǵajaıda, «Trı peskarıa», «Stolıchnyı dvor» demalys aımaǵynda jáne Beısekov kópiriniń janyndaǵy kommýnaldyq ıirý alańynda shomylý resmı túrde ruqsat etilgenin aıtty.
Onyń sózinshe, elordalyq qutqarýshylar shomylý maýsymynyń bastalýyna daıyndalyp jatyr. Olar sý aıdyndarynyń mańyna eskertý belgilerin ornatyp, qala mektepterinde dárister oqyp júr.
«Sýǵa shomylý maýsymy jyl saıyn 1 maýsymda bastalady. Arnaıy jabdyqtalǵan oryndarda, qutqarýshylary bar basseınderde, jaǵajaılarda shomylý kerek. Deni saý adamnyń qaýipsiz shomylýy úshin sýdyń tómengi temperatýrasy +18, al aýa temperatýrasy kem degende +23 bolý kerek. Biraq balalar men naýqastar úshin mundaı shomylý temperatýrasy densaýlyq pen ómirge qaýipti», dedi A. Qusaıynov.
Sondaı-aq ol, statıstıkaǵa súıensek, 80% jaǵdaıda adamdar mas kúıinde jáne jabdyqtalmaǵan, beıtanys jerlerde shomylý saldarynan sýǵa batyp ketetinin atap ótti.
Alakólde de bıylǵy jyldyń 5 maýsymynda ashylatyn sýǵa shomylý maýsymyna qyzý daıyndyq júrip jatyr.
Arýjan NAǴAShBAI,
L.N.Gýmılev atynadaǵy EUÝ stýdenti