2014 jylǵy 11 maýsym, Astana, Úkimet Úıi
«Kóship kelýshilerdiń Qazaqstan Respýblıkasyna kelýiniń jáne onda bolýynyń, sondaı-aq olardyń Qazaqstan Respýblıkasynan ketýiniń qaǵıdalaryn jáne Kóshi-qon baqylaýyn júzege asyrý, sondaı-aq Qazaqstan Respýblıkasynyń Memlekettik shekarasynan zańsyz ótetin, Qazaqstan Respýblıkasynyń aýmaǵynda zańsyz bolatyn sheteldikter men azamattyǵy joq adamdardy, sondaı-aq Qazaqstan Respýblıkasynyń aýmaǵyna kelýge tyıym salynǵan adamdardy esepke alý qaǵıdalaryn bekitý týraly» Qazaqstan Respýblıkasy Úkimetiniń 2012 jylǵy 21 qańtardaǵy № 148 qaýlysyna ózgeris pen tolyqtyrý engizý týraly
«Sheteldikterdiń quqyqtyq jaǵdaıy týraly» 1995 jylǵy 19 maýsymdaǵy Qazaqstan Respýblıkasy Zańynyń 22-babyna jáne «Halyqtyń kóshi-qony týraly» 2011 jylǵy 22 shildedegi Qazaqstan Respýblıkasy Zańynyń 8-babyna sáıkes Qazaqstan Respýblıkasynyń Úkimeti qaýly etedi:
1. «Kóship kelýshilerdiń Qazaqstan Respýblıkasyna kelýiniń jáne onda bolýynyń, sondaı-aq olardyń Qazaqstan Respýblıkasynan ketýiniń qaǵıdalaryn jáne Kóshi-qon baqylaýyn júzege asyrý, sondaı-aq Qazaqstan Respýblıkasynyń Memlekettik shekarasynan zańsyz ótetin, Qazaqstan Respýblıkasynyń aýmaǵynda zańsyz bolatyn sheteldikter men azamattyǵy joq adamdardy, sondaı-aq Qazaqstan Respýblıkasynyń aýmaǵyna kelýge tyıym salynǵan adamdardy esepke alý qaǵıdalaryn bekitý týraly» Qazaqstan Respýblıkasy Úkimetiniń 2012 jylǵy 21 qańtardaǵy № 148 qaýlysyna (Qazaqstan Respýblıkasynyń PÚAJ-y, 2012 j., № 29, 388-qujat) mynadaı ózgeris pen tolyqtyrý engizilsin:
kórsetilgen qaýlymen bekitilgen Kóship kelýshilerdiń Qazaqstan Respýblıkasyna kelýiniń jáne onda bolýynyń, sondaı-aq olardyń Qazaqstan Respýblıkasynan ketýiniń qaǵıdalarynda:
5-tarmaqtyń birinshi bóligi mynadaı redaksııada jazylsyn:
«5. Eger Qazaqstan Respýblıkasynyń zańnamasynda jáne/nemese Qazaqstan Respýblıkasy ratıfıkasııalaǵan halyqaralyq sharttarda ózgeshe tártip belgilenbese, Qazaqstan Respýblıkasynyń vızalary bolǵan kezde kóship kelýshiler halyqaralyq jáne jolaýshy qatynastary úshin ashyq Qazaqstan Respýblıkasynyń Memlekettik shekarasyndaǵy ótkizý pýnktteri arqyly pasporttary nemese olardy almastyratyn qujattary (budan ári – pasport) boıynsha Qazaqstan Respýblıkasyna keledi jáne Qazaqstan Respýblıkasynan ketedi.»;
mynadaı mazmundaǵy 2-1-bólimmen tolyqtyrylsyn:
«2-1. Jekelegen sheteldik memleketter azamattarynyń Qazaqstan Respýblıkasyna kelýiniń jáne bolýynyń, sondaı-aq olardyń Qazaqstan Respýblıkasynan ketýiniń tártibi.
15-1. Eger Qazaqstan Respýblıkasynda bolý kezeńi Qazaqstan Respýblıkasynyń Memlekettik shekarasyn kesip ótken sátten bastap kúntizbelik on bes kúnnen aspasa, Amerıka Qurama Shtattary, Germanııa Federatıvtik Respýblıkasy, Fransýz Respýblıkasy, Italııa Respýblıkasy, Nıderlandy Koroldigi, Birikken Arab Ámirlikteri, Ulybrıtanııa men Soltústik Irlandııa Birikken Koroldigi, Malaızııa, Koreıa Respýblıkasy jáne Japonııanyń azamattary 2014 jylǵy 15 shilde - 2015 jylǵy 15 shilde aralyǵyndaǵy kezeńde Qazaqstan Respýblıkasyna vızasyz keledi jáne Qazaqstan Respýblıkasynan vızasyz ketedi.
15-2. Osy Qaǵıdalardyń 15-1-tarmaǵynda kórsetilgen memleketterdiń azamattary Qazaqstan Respýblıkasynyń aýmaǵynda iskerlik maqsatta bolýyn kúntizbelik on bes kúnnen artyq uzartý týraly ótinish bergen kezde, Qazaqstan Respýblıkasynyń ishki ister organdary zańnamada belgilengen tártippen kúntizbelik otyz kúnge deıingi merzimge «iskerlik» sanatyndaǵy birmártelik vızalardy berýdi júzege asyrady.
15-3. Osy Qaǵıdalardyń 15-1-tarmaǵynda kórsetilgen memleketter azamattarynyń ınvestor mártebesin dáleldeıtin ınvestısııalar jónindegi ýákiletti organnyń qoldaýhaty bolǵan kezde, Qazaqstan Respýblıkasy Syrtqy ister mınıstrligi zańnamada belgilengen tártippen kúntizbelik toqsan kúnge deıingi merzimge «ınvestorlyq» sanatyndaǵy birmártelik vızalardy jáne úsh jylǵa deıingi merzimge kópmártelik vızalardy berýdi júzege asyrady.».
2. Qazaqstan Respýblıkasy Syrtqy ister mınıstrligi Qazaqstan Respýblıkasy Úkimetiniń 2012 jylǵy 21 qańtardaǵy №148 qaýlysymen bekitilgen Kóship kelýshilerdiń Qazaqstan Respýblıkasyna kelýiniń jáne onda bolýynyń, sondaı-aq olardyń Qazaqstan Respýblıkasynan ketýiniń qaǵıdalarynda kórsetilgen memleketterge dıplomatııalyq arnalar arqyly habarlama joldasyn.
3. Qazaqstan Respýblıkasy Ulttyq qaýipsizdik komıteti (kelisim boıynsha), Qazaqstan Respýblıkasynyń «Syrbar» syrtqy barlaý qyzmeti (kelisim boıynsha), Qazaqstan Respýblıkasy Ishki ister mınıstrligi jáne Qazaqstan Respýblıkasy Syrtqy ister mınıstrligi bir aı merzimde osy qaýlydan týyndaıtyn tıisti sharalardy qabyldasyn.
4. Osy qaýly qol qoıylǵan kúninen bastap qoldanysqa engiziledi, resmı jarııalaýǵa tıis jáne 2015 jylǵy 15 shildege deıin qoldanylady.
Qazaqstan Respýblıkasynyń Premer-Mınıstri K.MÁSIMOV.