Tótenshe jaǵdaılar mınıstri Syrym Sháriphanov Abaı oblysyndaǵy órt qashan sóndiriletini týraly óz boljamyn aıtty, dep habarlaıdy Egemen.kz.
Jańa mınıstrdiń aıtýynsha, jaǵdaı baqylaýǵa alynǵan. Biraq aýa temperatýrasynyń kóterilýine jáne jeldiń ulǵaıýyna baılanysty órt odan ári órshýi múmkin.
«О́rtti oqshaýlaý úshin biz jetkilikti top qurdyq. Jeke quramda 1,5 myńǵa jýyq adam bar: órt sóndirýshiler, orman qorǵaý qyzmetkerleri, qorǵanys jáne ishki ister mınıstrlikteriniń qyzmetkerleri. Sondaı-aq 300-ge jýyq tehnıkalyq bólimshe men 12 tikushaq jumyldyryldy», dedi mınıstr.
Qazirgi ýaqytta órt aýmaǵy shamamen 43 myń gektardy quraıdy.
«Basynda 60 myń gektar aýmaqta órt bolǵan. Biraq qyzmetkerlerdiń jumyldyrylǵan kúshimen órt aýmaǵy azaıyp keledi. Jaqyn kúnderi órtti oqshaýlap, sóndirýimiz kerek.
Basqa óńirlerden jiberilgen arnaıy tehnıkanyń barlyǵy osynda ornalasyp, órtti sóndirýge paıdalanylady. Qatty tútinniń saldarynan eki aýyldyń turǵyndary evakýasııalandy», dep atap ótti S.Sháriphanov.