17 maýsym kúni respýblıkalyq mańyzy bar Dossor-Qulsary-Beıneý tas jolynyń 10 shaqyrymynda Lada Priora jáne Toyota Camry avtokólikteri soqtyǵysty, dep habarlaıdy Egemen.kz Polisia.kz-ke silteme jasap.
Soqqy saldarynan Lada Priora avtokóligi órtenip ketti, 1992 jylǵy kólik júrgizýshisi men 2001 jylǵy jolaýshysy, sondaı-aq Toyota Camry avtokóliginiń 1972 jylǵy jolaýshysy oqıǵa ornynda qaza taýyp, 1971 jylǵy Toyota Camry júrgizýshisi alǵan dene jaraqattary saldarynan aýrýhanada qaıtys bolǵan.
Toyota Camry kóliginiń 2 jolaýshysy túrli dene jaraqatymen Maqat aýdandyq aýrýhanaǵa jetkizildi.